مدير في تمرد يصدم الابراشي “احنا تعبنا من ظلم السيسي وفساده ولازم تحصل ثورة ثالثة عليه”

0 26

قال مدير في حملة تمرد على أول رئيس مدني منتخب الدكتور محمد مرسي ؛ وذلك في لقاء له مع الاعلامي وائل الابراشي عبر قناة دريم الفضائية ” الشعب تعب ولازم الوضع يتغير فورا قبل ما البلد تضيع مننا والحل انه تحصل ثورة ثالثة على السيسي لإسترداد ما تبقى من كرامة للمصريين ؛ مفيش حاجه صح في البلد الأسعار بقت نار والدولار بيرتفع والاقتصاد بينهار “.
وهذا وتابع أيضا حديثه فقال ” أنا عضو لجنة مركزية بحملة تمرد وبتكلم من واقع الحس الوطني وعشان خوفي على البلد دي لأنه ثورة 30 يونيو قامت على استقرار وطني مش قامت علشان احنا نستعين بصندوق النقد الدولي وبالتالي في فساد كتير جدا والسيسي يعلم بهذا الامر جيدا ؛ ولكن أنا مش عارف هو ساكت ليه على الفساد اللي عشش في كل وزارات مصر ؛ كل المستشارين في مصر بيتقاضوا رواتب أخرى من جهات معينة اللي تابعين ليها ؛ يعني رشاوي كده عشان يمشوا شغلهم بس الرشاوي ده مش من المواطنين لأ ؛ دي من الحكومة نفسها عشان يمشوا شغل الفساد اللي تابع للحكومة وده كل الوزراء عارفين بالكلام ده “.
وأوضح أيضا قائلا ” حتى لا أطيل عليكم لكن لما يكون هناك مستشار بيتقاضى 45 ألف جنيه غير الضريبة اللي بياخدها منه وتأمين اجتماعي وكل الكلام ده وياخد راتب آخر أساسي 90 ألف جنيه والدولة تخصصله سيارة ووقود ب15 ألف جنيه بالشهر ؛ طيب عايزكم تقولولي بأي عدل ده وبأي حق؟ ؛ يعني لما تقولي الموظف الغلبان اللي هو الدرجة الثالثة والرابعه ؛ وطبعا أنا بقول لحضراتكم ده غير البدلات وغير الشياكة وغير الانتكة اللي بتصرفه الحكومة للمستشارين واحنا الشعب المصري مفيش بدل قرف حتى ومخصصينله كمان موظف عشان يجيب بطاطس للهانم وطماطم للهانم وخضراوات للهانم بتعته “.

Facebook Comments Box
اترك تعليق

يرجي التسجيل لترك تعليقك

شكرا للتعليق